ओठ सौन्दर्य दर्साउने अङ्ग हो । यद्यपि हामी ओठलाई कम ध्यान दिन्छौं । ओठले मानिसको आकर्षण, सुन्दरता, उमेर, शरीरको स्थितिमा महत्वपूर्ण भूमिका खेल्दै आएको छ । ठूलो-बाक्लो ओठ प्रायः अपि|mकी मूलको पहिचान हुन्छ । मंगोल जातिको ओठ प्रायः मसिनो हुन्छ । हाम्रो हँसाइमा ओठको विशेष भूमिका हुन्छ । सही ओठ भन्नु नै यसको आकार हो । माथिल्लो ओठ, तल्लो ओठ, बाक्लो-पातलो सबैको सही आकार भए उक्त ओठ आदर्श मानिन्छ । माथिल्लो ओठ तल्लो ओठको अनुपातमा ७५ प्रतिशत हुनु जरुरी छ । ओठदेखि चिउँडोसम्मको आकार अंगे्रजी एसजस्तो हुनुपर्छ । ओठबीचको गहिरो ४ सेन्टिमिटर तथा आँखाको कुनाबाट सीधा तल धर्सार्े तान्दा ओठको कुनामा सीधा आइपुग्ने भयो भने त्यस्तो ओठलाई राम्रो मानिन्छ ।उन्नाइसौं शताब्दीमा सानो गुलाबको कोपिला जत्रो मुख तथा सोहीअनुरूप ओठ राम्रो मानिन्थ्यो । बीसौं शताब्दीमा ओठ पातलो र मसिनो बनाउने चलन आयो । १९५० तिर सेक्सी -उत्तेजक) तथा धनुष आकारको ओठमा रातो-चम्किलो लिपिस्टिक लगाउने चलन आयो । यो प्रथा त्यस बखत ख्यातिप्राप्त चर्चित अमेरिकी महिला मर्लिन मुनरोको थियो जुन केही वर्षसम्म धेरैले रुचाए अनि अनुकरण गरे । हिजोआज ओठमा विशेष गरी प्राकृतिक रंग, गुलाबी, हल्का चम्कने किसिमको लिपिस्टिक व्यापक प्रयोगमा आएका छन् । ओठ मानिसअनुसार बाक्लो, मोटो, मसिनो, लामो, छोटो, एक रूप नभएको, कालो, नीलो तथा रंग उडेजस्ता हुन्छन् । ओठको रंगबाट पनि व्यक्तिको उमेर तथा स्वास्थ्यका बारेमा यथेष्ट जानकारी प्राप्त गर्न सकिन्छ । जवानीमा ओठको रंग प्रायः रातो वा गुलाबी हुन्छ । उमेर ढल्कदै गएपछि ओठको रंगमा परिवर्तन आउँदै जान्छ । मांसपेशीहरू कमजोर भै झुल्ने प्रक्रिया सुरु हुन्छ । चुरोट सेवनले पनि ओठको किनारामा रगतका रेखाहरू देखापर्न थाल्छन् । ओठको आकार-प्रकार मिलाउन चिरफारका लागि दक्ष तथा अनुभवी चिकित्सक आवश्यक मानिन्छ । चिरफार गरी ओठमा परिवर्तन ल्याउन नचाहे शृंगार विधि प्रयोग गर्न सकिन्छ । ओठ चाउरिएको भए हल्का रंगको लिपिस्टिक प्रयोग गर्नुपर्छ । रक्तीय रेखाहरू भए गाढा रंगको लिपिस्टिक प्रयोग गर्नुपर्छ । रंगको प्रयोगले ओठमा देखिएको चाउरी कम हुन्छ । मुखको वरिपरि रक्तीय रेखा भए गाढा रंगको लिपिस्टिक प्रयोग गर्नु हुँदैन । उमेर, मौसम, ओठको आकार तथा आँखामा कुन प्रकारको शृंगार गरिएको छ, यी सबै कुरामा विचार पुर्याएर मात्र लिपिस्टिक प्रयोग गर्नुपर्छ । जाडो मौसममा मोस्चराइजरयुक्त तथा चम्किलो लिपिस्टिक प्रयोग गर्नुपर्छ । गर्मी मौसममा नपग्लिने किसिमको लिपिस्टिक प्रयोग गर्नुपर्छ । किशोरीहरूले धेरै रंगीन वा उज्यालो देखिने लिपिस्टिकको साटो हल्का तथा छालाको रंगसँग मिल्दो रंगको लिपिस्टिक आकर्षक देखिन्छ । वयस्क अर्थात् ३० वर्षमाथिका महिलाले उज्यालो रंगको लिपिस्टिक प्रयोग गरे निकै सुहाउँछ । सानो आकारको ओठ भए बाहिरी रेखा बढी तान्नुपर्छ । यस्तो स्थितिमा उज्यालो रंगको लिपिस्टिक लगाउन सकिन्छ । ओठको आकार तथा साइज ठूलो भए लिपिस्टिक लगाउनुअघि ओठको भित्री भागमा पेन्सिलले भित्री रेखा तानी सीमांकन गरेर मरुन, हल्का, गाढा, ब्राउन वा बैजनी रंगको लिपिस्टिक लगाए सुहाउँछ । ओठमा लिपिस्टिक लगाउनुअघि आँखामा कुन प्रकारको शृंगार गरिएको छ ध्यान पुर्याउनुपर्छ । आँखामा गाढा शृंगार छ भने हल्का रंगको लिपिस्टिक तथा हल्का शंृगार गरिएको छ भने गाढा रंगको लिपिस्टिक प्रयोग गर्नुपर्छ ।
बेलायतका एक जना पुरुषलाई १० वर्षसम्म महिलाहरुसँग बोल्न प्रतिबन्ध लागेको छ । एक अदालतले उनलाई नचिनेका महिलासँग सार्वजनिक स्थानमा बोल्न रोक लगाएको हो । डेभिड डेलाहन्टी नामका ती ५६ वर्षे पुरुषले एक युवतीलाई आफुले बलात्कार गर्न सफल भएको भनि दाबी गरेसँगै उनलाई यस्तो सजाय दिइएको हो । सार्वजनिक बसभित्र आफुले ती २० वर्षे युवतीलाई भेटेको, त्यसपछि उनलाई गालामा चुम्बन गरेको र करणी गरेको झुटो दाबी उनले गरेका थिए । उनको त्यस्तो झुटो दाबीका कारण ती युवतीको इज्जत र प्रतिष्ठामा दाग लागेको र उनलाई गम्भीर मानसिक असर परेको ठहर गर्दै अदालतले यौन तथा मानसिक हिंसाको आरोपमा उनीमाथि यस्तो अनौठो सजाय सुनायो । अदालती फैसलापछि अब उनले सार्वजनिक स्थानमा कुनै नचिनेका महिलालाई हेलो भनेर बोलाएमा मात्र पनि उनले ५ वर्ष जेलको हावा खानुपर्ने छ । तर इमर्जेन्सी परेको बेला भने उनलाई हल्का बोल्न छुट दिइनेछ । महिलासँग बोलचाल गर्न १० वर्षे प्रतिबन्ध सँगै ती पुरुषले ९ महिनाको जेल र १२० घण्टाको श्रम सजाय पनि पाएका छन् । साथै उनको नाम यौन अपराधीको सूचिमा समेत दर्ज गरिएको छ ।
नियमित रुपमा दुखाइ कम गर्ने औषधि पेन किलर खाने पुरुषमा यौनिक समस्या देखिने सम्भावना अत्यधिक रहने र त्यस्ता पुरुषमा लिंग उत्तेजित हुनमा समस्या पैदा हुने पछिल्लो अध्ययनले देखाएको छ । शोधकर्ताहरुका अनुसार पेनकिलर खाने पुरुषमा उत्तेजनाको गडबडी अर्थात् इरेक्टाइल डिस्फङ्सनको समस्या बढ्ता हुने गरेको छ । स्पाइन नामक जर्नलमा छापिएको खबर अनुसार कम्तिमा ४ महिनासम्म उच्च डोजमा ओपिओइड्स पेनकिलर खाएका पुरुषमध्ये १९ प्रतिशतमा यस्तो उत्तेजनाको समस्या देखिएको छ । यस्तो पेनकिलर नखाने केवल ७ प्रतिशतमा मात्र यौन उत्तेजनाको समस्या भेटिएको शोधकर्ताहरुको भनाइ छ । त्यसैले पेनकिलरको नियमित सेवनले यौन उत्तेजनाको गडबडीलाई ५० प्रतिशतले बढाउने निष्कर्ष शोधकर्ताहरुले निकालेका छन् । अमेरिकाको आरेगन स्वास्थ्य तथा विज्ञान विश्वविद्यालयका शोधकर्ताहरुले ११ हजार जना पुरुषमा अध्ययन गरी यस्तो निष्कर्ष निकालेका हुन् । उमेर बढ्दै जाँदा यौन उत्तेजनामा अनियमिता हुने समस्या पनि बढ्ने उनीहरुको भनाइ छ ।